ویسے تو کسی بھی تخلیق کار کا حقیقی تعارف اُس کی تخلیقات کے ذریعے  ہی ممکن ہے لیکن اس کے معاصر تخلیق کاروں، ناقدینِ فن اور دوست احباب کی آرا بھی اس تخلیق کار کے فن کی باریکیوں کو سمجھنے میں ممد و معاون ثابت ہوتی ہیں. علی محمد فرشی کے بارے میں مفصل مطالعے کے لیے تو نظم کے ممتاز تخلیق کار، نقاد اور شاعر کے دیرینہ دوست یامین کی مدون کردہ ضخيم کتاب “علی محمد فرشی کے شعری ابعاد” ہی سے رجوع  کرنا ہوگا،تاہم یہاں ممتاز شخصیات کی مختصر مختصر آرا بھی آپ کی دلچسپی کا باعث ثابت ہوں گی۔ مزید یہ کہ علی محمد فرشی کی تصاویر اور ان کی نظموں کا انتخاب بھی آپ کو ان کے فن اور شخصیت کو قریب سے دیکھنے کا موقع فراہم کرے گا۔